16 мамырдан бастап утилизациялық алымның жаңа мөлшері (екі есе азайды) күшіне енген. Оның мөлшері қаншалық өзгергенін бұған дейін жаздық. Бірақ «Жасыл Даму» жаңа тарифке бірден көшпей, 2022 жылы 16 мамырға дейін елге келген көлікке утиль алымы бұрынғы мөлшермен төленетінін айтты. Бұл шешім шетелден көлік әкеліп, алым мөлшері азаяды деп тіркетпей отырған азаматтардың наразылығын тудырды.
21 мамырда шенділер алым жинаушыларды райынан қайтарды. «Жасыл Даму» қайта есеп жүргізіп, артық төленген ақшаны қайтаруға келісті.
«Оператор биыл 14 мамырдан бастап утиль алымын бұрынғы тариф бойынша төлеген тұлғаларға 250 млн теңгеден аса соманы қайтарды», — деп хабарлады баспасөз қызметі әрі 14 мамырға дейін берілген өтініштер қайта есептелмегенін атап өтті.
«Жасыл Даму» ақшаны қайтару туралы өтінішті E-otinish электронды платформасы арқылы немесе қағаз түрінде беруге болатынын мәлімдеді.
Комментариев: 0