1. Салыстырудың енді қажеті жоқ.
Ресми дилерлерден сатып алынған және алғаш тіркелетін темір тұлпарлардың сәйкестендіру нөмірлерін салыстырудың тоқтатылғаны жайлы сіз, мүмкін, естіген боларсыз. Бұл ереже 2017 жылдың желтоқсан айының басынан іске асуда. Ал ең жаңартылған Ережелердегі басты жаңалық ─ бұл Қазақстанда бұрын тіркелген автокөлікті тіркеуден шығару және кейін оны қайта тіркеу кезіндегі салыстырудың күшін жоюы.
Қазақстанда ұсталған көлікті сатып алғаннан кейін оны Тіркеу-емтихан қабылдау бөліміне (ТЕБ) немесе мамандандырылған ХҚКО-на айдап барудың қажеті жоқ.
Салыстыру тек Қазақстанда алғаш тіркелетін жаңа немесе ұсталған көліктерді, ресми емес (сұр) дилерлерден сатып алынған немесе республикаға басқа елдерден (оның ішінде ЕЭҚ елдерінен) жекелеген тәртіпте кіргізілген көліктер үшін керек болады.
2. Ұнаған нөмірлерді таңдаңыз.
Бұдан былай автокөлік иелері қарапайым мемлекеттік нөмірлердің сандық және әріптік белгілерін таңдау мүмкіндігіне ие болады. Алайда, тек Тіркеу-емтихан алу бөлімшелерінде немесе мамандандырылған ХҚКО-да бар нөмірлер арасынан ғана. Мысалы, сим-карта алғандағыдай. Міне тізім, ұнағанын таңда.
Төленетін базалық баж салығы 2.8 АЕК (немесе 2018 жылы 6734 теңге ). Қолжетімді комбинациялардың тізімі тіркеу мекемелері мен «Азаматтарға арналған үкімет» сайтында болады.
Қарапайым комбинацияларды тапсырыспен жасамайтыны өкінішті. Ал жоғары бағада сатылатын ерекше сандар мен әріптерге, енді ресми түрде тапсырыс беруге болады. Бірақ, мұндай жағдайда, көлікті мемлекеттік нөмірлер дайын болғаннан кейін ғана тіркейтін болады.
Нөмірлерді дайындау уақыты: Алматы және Астана қалаларында — 5 күн, ал басқа аймақтарда — 15 күн. Жоғалған жағдайда нөмірдің дубликатын да аталған уақытта даярлайды. Қазіргі уақытта бұл эпопея 30 күнге созылады, одан да көлікті қайта тіркеу жылдамырақ жүзеге асар еді.
Осы санаттағы және бір азғантай жаңалық: егер сіз мемлекеттік тіркеу нөмірінің тек біреуін қайта қалпына келтіретін болсаңыз, онда базалық төлемнің жартысын ғана төлейсіз, яғни 1.4 АЕК (3187 теңге). Бұл әлден іске қосылды. Бұрын толық жиынтыққа төлеу талап етілетін.
3. Тіркеуге қою жылдамырақ жүзеге асады.
Негізінде, тіркеуге берілген уақыт қысқарды , сонымен қатар Тіркеу-емтихан алу бөлімшелерінің жұмыс кестесі өзгерді. Көп жылдар бойы дәл дүйсенбі күн техникалық күн болып саналатын — мекеме жұмыс істейтін, бірақ автокөлік иелері мен көлік жүргізушілерін қабылдамайтын. 25 мамырдан кейін ТЕБ-і дүйсенбіден сенбіге дейін мына кестеге сай жұмыс істейтін болады:
- дүйсенбі — жұма: 09:00-ден 18:30-ға дейін (түскі ас уақыты 13:00-ден 14:30-ға дейін);
- сенбі: 08:00-ден 16:00-ге дейін (түскі ас уақыты 12:00-ден 13:00-ге дейін);
- жексенбі: демалыс күні.
Мамандандырылған ХҚКО бұрынғы кестеге сай жұмысын жалғастырады:
- дүйсенбі — сенбі: 09:00-ден 20:00-ге дейін түскі үзіліссіз;
- жексенбі: демалыс күні.
25 мамырдан кейін ТЕБ-і мен мамандандырылған ХҚКО-да бір автокөлікті тіркеу уақыты 1.5 сағатты құрайтын болады. Бұрын ТЕБ-де бұл 6 сағатты қажет ететін. Көлік жүргізу куәлігін тапсыру уақыты да жылдамдап, 2 сағат уақытты ( мамандандырылған ХҚКО-да да, ТЕБ-де де) алады.
Тиісті құжаттарды өткізу үшін берілетін ең ұзақ уақыт — 20 минут деп жазылған, қызмет алушының құжаттарын қабылдауға рұқсат етілген ең ұзақ уақыт та 20 минут.
4. Тіркеуге құжаттарды үйде отырып өткізуге болады.
Салыстыруды алып тастағаннан кейін туындаған жаңалық — көлікті тіркеуді қашықтықтан жүзеге асыру. Құжаттарды «Азаматтарға арналған үкімет» порталы арқылы тапсырып, техникалық төлқұжат пен мемлекеттік тіркеу нөмірлері үшін баж салығын да онлайн-төлем арқылы төлеуге болады. ТЕБ-не немесе мамандандырылған ХҚКО-на тек олар дайын болған соң (төлем жасалғаннан бір сағат өткеннен кейін дайын болуы керек) алып кетуге бару қажет болады.
Аталған ресурсқа сілтеме пайда бола салысымен, біз оны мұнда жариялаймыз! Құжаттарды тәулік бойы қабылдайды, бірақ КҚТК мен мемлекеттік нөмірлерді, әрине, тек жұмыс уақытында береді. Келешекте (26 мамырдан емес!), «Азаматтарға арналған үкімет» Қазпоштамен өзара әрекет жасау тәсілдерін игергенде, тіпті барлығын үйге жеткізуге тапсырыс беруге болады.
5. Шетел азаматтарына СІМ-нен анықтама алып келудің енді қажеті жоқ.
Автокөліктерді тіркеу барысында ҚР СІМ ДКҚКЖБ-на (дипломатиялық корпусқа қызмет көрсету жөніндегі басқарма) жүгіну тек Қазақстан Республикасында тіркелген дипломатиялық өкілдіктерге, халықаралық ұйымдарға және (немесе) олардың өкілдеріне, консулдық мекемелерге және олардың Қазақстан Республикасында аккредиттелген қызметкерлеріне қерек болады.
Бұл санатқа кірмейтін шетелдіктер мен заңды тұлғаларға автокөлікті тіркеуге қоюда мұндай құжаттың ендігәрі қажеті жоқ.
P. S. Ал 25 мамырдан кейін біз жаңа ережелердің тәжірибе жүзінде қалай жұмыс істейтінін және бұл үрдістің қанша уақыт алатынын толығырақ баяндау мақсатында, автокөлікті тіркеуден шығарып/тіркеуге қоятын боламыз. Біздің сайттан ауыспаңыздар!
Дереккөздер:
«Көлiк құралының сәйкестендіру нөмірі бойынша көлік құралдарының жекелеген түрлерiн мемлекеттiк тiркеу және есепке алу, Механикалық көлік құралдарын жүргізушілерді даярлау, Емтихандар қабылдау және жүргізуші куәліктерін беру қағидаларын бекіту» туралы Қазақстан Республикасы Ішкі істер министрінің 2014 жылғы 2 желтоқсандағы № 862 бұйрығы.
«Жол жүрісі қауіпсіздігін қамтамасыз ету саласындағы мемлекеттік көрсетілетін қызметтер стандарттарын бекіту туралы» Қазақстан Республикасы Ішкі істер министрінің 2015 жылғы 14 сәуірдегі № 341 бұйрығына. өзгерістер мен толықтыру енгізу туралы бұйрығы.
Комментариев: 1