Нәзік жандылардың заманауи автомобиль құрылымына қосқан үлесі көп емес, бірақ мүлде жоқ деуге де келмейді. Қазір жүргізушілер пайдаланып жүрген өнертабыстың кейбірі әйелдер қауымының қолынан шыққан.
Әйелдер ойлап тапқан бөлшектер:
— Салон жылытқыш, авторы — Маргарет Уилкокс (1893 жыл). Ол бұл жүйені пойыз вагондарына арнап патенттегенін атап өткен жөн, кейін бұл идеяны көлік өндірушілер автомобильге әкелді. Алғашқылардың бірі болып 1929 жылы Ford орнатты.
— Әйнек сүрткіш. Қазіргі әйнек сүрткіштің прототипі туралы идея Мэри Андерсонға 1902 жылы қыста Нью-Йоркке жолы түсіп, трамвайға мінгенде келген. Трамвай жүргізушісі әйнекті сүрту үшін жиі тоқтауға мәжбүр болыпты. 1903 жылы ол трамвайларға арналған өнертабысын патенттеді, алайда оны коммерциялық тұрғыда жүзеге асыра алмады. Патенттің мерзімі 1920 жылы аяқталды. Cadillac 1922 жылы стандарт жабдықтар тізіміне бірінші қосты.
— Бұрылыс шамы мен стоп сигнал. Қазір көбі мұны актриса Флоренс Лоуренске ойлап тапқан деп есептейді. Өкінішке қарай, ол өз ойын патенттемеді. Кейін 1925 жылы бұрылыс шамын Эдгар Вальц патенттеді. Электронды сигнал сериялы өндіріске тек 1938 жылы енді.
Автомобильмен алыс сапарға алғаш болып әйел адам шыққан. Карл Бенц автоөндіріс тарихындағы маңызды тұлға болғанымен, көлікпен алысқа ұзай қоймапты, ол тіпті өз «Моторвагеніне» аса сенбеген. Өнертабыс сенімді әрі пайдалы екенін оның жұбайы Берта дәлелдеді. 1888 жылы ол батыл қадам жасап, екі баламен бірге үш дөңгелекті машинамен 100 шақырымнан аса жол жүруге бел буды. Ол кезде Германияда автосервис те, жанармай құятын бекеттер де болмаған. Бензин, дәлірек айтқанда, лигроин дәріхана мен дүкендерде шыны құтымен сатылатын.
Сапар сәтті аяқталып, Берта машинаны жақсарта түсу үшін не қажет екенін жазып алған. Ең бастысы, Карл Бенц өзінің өнертабысына сенім артып, автомобиль өнеркәсібі дамудың даңғыл жолына түсті.
Автобизнесте әйелдер қауымы басқа салаларда да табысқа жетті. Мысалы, 1970 жылы Мими Вандермолен Ford дизайн студиясындағы жалғыз әйел болды. Ол екінші буындағы Ford Mustang және Granada мен Crown Victoria модельдерін жасауға атсалысты. Вандермолен Ford Taurus-тың интерьерін әзірлеуге қатысып, Ford Probe II жобасының директоры ретінде дизайн бөлімін басқарды және Cadillac Escalade-тің шығуына ықпал етті.
Қазір ірі автомобиль корпорацияларының директорлар кеңесінде, басшылар қатарында нәзік жандылар көп. Мысалы, Мэри Барра — GM-ді, Линда Джексон
Автоспортта да әйелдер ерлермен тең дәрежеде өнер көрсетіп, даңқ пен қауіп-қатерді қатар бөлісіп жүр.
Қазір автомобиль тақырыбындағы видеоконтент үлкен сұранысқа ие. Эд Чайнаның (Wheeler Dealers на Discovery телешоуының жүргізушісі) жолын қуғандар аз емес: нәзік жанды механиктер сынақ машинасын оңай шашып-жинап, үлкен аудиторияны қуантып жүр. Инстаграмдағы Supercar Blondie туралы білмейтін адам аз.
Қазіргі автоөнеркәсіпте қыз-келіншектердің тағы бір маңызды рөлі бар. Әлемде шығып жатқан жаңа автомобильдердің жартысына жуығын солар сатып алады, қыздар қауымының талғамы мен қалауын инженерлер мен дизайнерлер, жарнама берушілер мен маркетологтар үнемі ескеріп отырады.
Қымбатты ханымдар, мереке құтты болсын!
Комментариев: 0