2018 жылдың қорытындысы бойынша Camry көш бастап келеді

2018 жылдың соңғы айы қазақстандық авторетейл үшін ең табысты ай болды, себебі желтоқсанда 5 786 жаңа көлік сатылған. Жалпы айтқанда 2018 жылы нарық 60 мың дана межесінен асып, өткен жылмен салыстырғанда 24 %-ға жоғары көрсеткішке ие болды.

Қазақстандық автобизнес ассоциациясының (ҚАБА) деректеріне сүйенсек, ең көп сатылған жеңіл көлік маркаларының үздік ондығын 13 413 данасы сатылған (2017 жылдағы нәтижемен салыстырғанда +53.6 %) Lada бастап тұр. Алдыңғы екі жылда ешкімге дес бермеген Toyota рекордтық нәтиже көрсетіп, 12 278 (+32.5 %) көлік иесін тауыпты. Десе де, жапониялық бренд негізгі түсімді жинауын әлі де жалғастыруда. Үздіктердің ауылы 8 715 (+140.5 %) дана автокөлік сатқан Hyundai үшін алыс емес сыңайлы. Қостанайдағы өндірістің бастау алған сәтінен бері көліктердің сатылымы 2.4 есе артқан.

Келесі үздік үштіктегі тартыс мықтырақ, себебі жыл бойы маркалар орын ауыстырып келеді. Нәтижесінде, 2 862 автокөлігі (+24.4 %) өткен Kia төртінші орынға көтерілді. Nissan да өз өнімін белсенді түрде сатуын жалғастыруда (2 422 дана; +43.9 %). Ал Renault бұл жолы тек 2 002 (—18.6 %) көлігін сатып, бар болғаны алтыншы орынды місе тұтыпты. Ravon-ның жарты жыл бойы төбе көрсетпеуі оның көрсеткішіне әсер еткен, аталған марка 1 727 автокөлік (—62.6 %) сатыпты. 1 539 дана (+5 %) көрсеткішіне ие болған Volkswagen сегізінші орынға табан тіреді. Ал үздік ондықты Lexus (1 403 дана; +20.5 %), Jac (1 125 дана; +79.4 %) және Chevrolet (1 102; —26 %) түйіндеген.

1 / 20

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 20