Алдағы екі аптада Алматыда қатаң шектеу күшіне енеді. Бас санитар дәрігердің қаулысы бойынша сауда үйлері, ойын-сауық орталықтары, азық-түлік сатпайтын ашық және жабық базарлар мүлде жұмыс істемейді. Қоғамдық көлік (қалалық және қалаларалық) жұмыс күндері әдеттегідей, ал демалыс күндері 6:00-ден 10:00-ге дейін және 17:00-ден 22:00-ге дейін жолаушы тасиды.
Мамандандырылған ХҚКО жұмыс күндері 9:00-ден 18:00-ге дейін қызмет етеді. 9:00-ден 16:30-ға дейін өтінім қабылданса, әрі қарай мұндағы мамандар тек дайын құжаттарды тапсырумен айналысады. Еске сала кетейік, қазір көлікті Kaspi.kz қосымшасы арқылы онлайн сатуға және сатып алуға болады. Бұл жағдайда орталыққа мемлекеттік нөмір мен құжат алу үшін ғана барасыз.
ТЖО мен көлік жуатын орындар еш шектеусіз жұмыс істейді.
28 наурызда қала әкімі Бақытжан Сағынтаев мегаполистегі жағдай жайлы хабарлады. Оның айтуынша, қаланы толық жабу жоспарда жоқ. Шенді 20 наурыздан бастап күшіне енген шектеу жағдайды жақсартуға мүмкіндік береді деп үміттенеді. Алайда ол мегаполисте толық локдаун жариялануы мүмкін екенін де жоққа шығармады.
— Келесі аптаның аяғында жағдайдың қандай болатынын көреміз. Егер тұрақталмаса, күшіндегі шектеу шараларын қайта қараймыз, жақсы жаққа өзгермесе, бәрі де мүмкін — деді Бақытжан Сағынтаев.
Комментариев: 0