Алматыдағы Астана алаңы бір аптаға жабылады

Төле би көшесінде көлік қозғалысы уақытша шектеледі. Мегаполис әкімдігі хабарлағандай, 16 наурыздан 23 наурыз 00:00-ге дейін Назарбаев пен Абылай хан даңғылы аралығында көлік жүрмейді.

Бұл бөлікте мерекеге дайындық басталды, кейін мұнда Наурыз мейрамына орай іс-шара өтеді. Осыған байланысты 10 қоғамдық көліктің бағыты уақытша өзгерді, олар: 16, 37, 48, 126, 201, 205, 206, 209, 210 және 224. Жүргізушілер бағытын алдын ала жоспарлағаны жөн.