Метрополитеннің үшінші кезегінің жаңартылған жобасы бекітілді. Алматы әкімінің орынбасары Серік Құсайынов жаңа желі бұрын жоспарланғандай Қалқаманға дейін емес, Наурызбай ауданына қарай ұзартылатынын айтты. Жерасты жолы Алатау көшесін бойлай «Алтын Орда» базарына дейін созылады. Желі бойына қосымша екі бекет салынады.
«Осылайша Наурызбай ауданының батыс бөлігін қала орталығымен байланыстырамыз», — деді шенеунік. Оның айтуынша, метромен жүретін жолаушылар саны 150 мыңға дейін артады. Қазір оңтүстік астанада тоғыз метро бекеті бар.
«Сайран» мен «Мәскеу» 2015 жылы ашылды. Ендігі кезекте «Сарыарқа» және «Бауыржан Момышұлы» бекеті іске қосылады.
Комментариев: 0