АҚШ Қытай электрокарына төрт есе көп салық салады

Джо Байден Қытайдан келетін бірқатар тауар үшін сұралатын баж салығы өзгеретінін хабарлады деп жазды Reuters. Негізгі өсім электромобильге әсер етті, себебі тариф 25-тен 102 %-ға өскен. Осылайша, ел билігі Қытай компанияларына жергілікті нарықта заңды түрде сауда жасауға тыйым салды десе болады. Қытай жауап қайтаруға дайын екенін мәлімдеді.

АҚШ президенті кеден саясатындағы бұл шешімді америкалық автоөндірушілерді әділетсіз бәсекеден қорғау үшін жасағанын түсіндірді. Қытайдың арзан электромобильдерінің елде таралуы бүкіл салаға қауіп төндіруі мүмкін, бұл жалпы экономикаға, әсіресе зауыт жұмысшыларына әсер етеді. Ел билігі Қытайдан келетін машиналар киберқауіпсіздікке қауіп төндіретінін айтқан еді. Протекционистік шара елдегі электромобиль өндірісі мен саудасына жақсы жағдай жасайтын қаржылай инвестицияларды қорғау құралы ретінде әрекет етуі керек.

Сарапшылар Қытай ұқсас шаралар енгізеді және бұл Америка экономикасына кері әсер етеді деп қауіптенеді. Қытай нарығында көптеген жергілікті автоөндіруші бар, мысалы, Chevrolet және Cadillac, ал Buick үшін Қытай басты нарыққа айналды. Сауда соғысы Америкадағы зауытта шыққан электромобилін Қытайға жеткізетін Mercedes-Benz сияқты қақтығысқа еш қатысы жоқ компанияларды да айналып өтпейтін сияқты. Мұндай саясаттың тағы бір көзге түспейтін салдары АҚШ-та жасалған электромобиль бағасының көтерілуіне әкеледі, өйткені балама ұсыныс болмайды.

Басқа сарапшылар Байден саяси қадам жасады деп санайды. Аспан асты елінен экспортталатын электрокар саны өте аз болса, ол қарашада өтетін сайлау аясында қазіргі президенттің позициясын бекітеді.

Сол себепті әділетсіз бәсекеден қорғану үшін литий-ионды аккумуляторға баж салығы 7.5-тен 25 %-ға өсті. АҚШ билігі Қытай маңызды ресурстардың 90 %-ын басқаратынын және бұл АҚШ-тың жеткізу тізбегіне және экономикалық қауіпсіздігіне қауіп төндіретінін айтты.

АҚШ-тың негізгі United Auto Workers кәсіподағы Байденді қолдады. Ал BMW және Stellantis сияқты бірқатар компания басшылары мұндай тәжірибе адал бәсекелестік пен еркін нарыққа әкелмейді деп мәлімдеген. Бейжің Сыртқы істер министрлігі тарифтің өсуі екіжақты әріптестікке кері әсер ететінін айтты. Ведомство АҚШ-ты қосымша алымнан бас тартуға шақырды және билік елдің құқығы мен мүддесін қорғау үшін шара қолдануға құқылы.