«Басқа елдердің құзыретті органдарына біздің азаматтардың баруын және көлік құралын ұсынуын қажет етпестен Қазақстан ІІМ-нің сұрауы бойынша автомобильдерді есептен шығару мүмкіндігін қарастыру туралы тиісті хат жолдадық. Алайда Қырғызстан мен Арменияның ресми органдары автокөлікті қашықтан есептен шығару мүмкін емес деп жауап берді. Біз бұл талапты бұза алмаймыз», — деді ҚР ІІМ Әкімшілік полиция комитеті төрағасының міндетін атқарушы Қайсар Сұлтанбаев.
Бірақ полиция «конструктор-машиналарды» заңдастыру туралы шешім қабылдапты.
«Заңдастыру процесінде елге қосалқы бөлшек ретінде келген автомобильдер анықталды. Бұл көліктер кедендік тазартудан және қауіпсіздік талаптарына сәйкестігі туралы тексеруден өтпеген. Осы автокөліктерді сатып алған азаматтарымыздың жағдайын назарға ала отырып, қазір мемлекеттік органдар оларды Қазақстанда бастапқы тіркеуге алу тетіктерін әзірлеуде. Мұндай автомобильдерді заңдастыру туралы шешім қабылданды», — деді шенді.
Қ. Сұлтанбаев «сақтандыру полисі арқылы» алған машинаны есепке қою мүмкін емес екенін атап өтті, өйткені Азаматтық кодекстің 235-бабына сәйкес иесі бар мүлікке меншік құқығына басқа тұлға сатып алу, айырбастау, сыйға тарту келісімшарты немесе осы мүлікті иеліктен шығару туралы құжаттар негізінде ғана ие бола алады.
Сонымен қатар комитет басшысы 23 қаңтар мен 22 ақпан аралығында билік 40 мың автокөлік заңдастырғанын айтты. 85 мыңнан аса көлік алдын ала тексерістен өтіп, тіркелуге дайындалып жатыр. Кейбір машина иелері Қазақстанға 1 қыркүйектен кейін кірген техниканы да заңдастыруды сұраған. ІІМ мерзімді өзгертуге ниетті емес, себебі бұл тұрғындардың тағы шетелден жаппай көлік тасуына әкеп соғуы мүмкін. Сұлтанбаев полиция халыққа заңдастыру бір реттік шара екенін ескерткенін айтты. Кейін елде тіркелмеген көлік мінгендер жазаға тартылады.
Комментариев: 0