Қаңтардың жиырма бірінде басталған шара қаңтардың отыз бірінде аяқталады. Астана қалалық полиция департаментінің баспасөз қызметі хабарлағандай, елорда аумағында, сондай-ақ барлық «Рубеж» бекеттерінде көліктер легін автоматты түрде бақылайтын жүйелерді, электронды планшеттер мен «Сергек» кешенін қолдану арқылы әкімшілік айыппұл төлемегендер, көлік құралын басқаруға құқығы жоқ тұлғалар мен жалған нөмір орнатып алғандар анықталуда. Шара басталған екі күн ішінде айыппұл төлеуге байланысты 1 200 ескертпе толтырылыпты.
Тәртіп сақшылары азаматтардың жеті тәулік ішінде әкімшілік айыппұлдың тек 50 %-ын төлеуге құқығы барын еске салады. Атыңызда айыппұлдың бар-жоғын анықтап, төлем жасауды egov.kz электронды үкімет порталында, екінші деңгейлі банк бөлімшелерінде және интернет-сайттар мен Kaspi.kz мобильді қосымшасының көмегімен іске асыруға болады.
Егер қандай да бір даулы мәселелер туындаса, төлем жасалғаны туралы түбіртекті WhatsApp 8-776-197-23-48 (астаналықтар үшін) нөміріне жіберу керек, тексеру жұмыстарынан кейін ғана айыппұл төленеді.
Комментариев: 0