Тәртіп сақшылары «Қауіпсіз жол» жедел іс-шарасы аясында трассалардағы қауіпті жол бөліктерін анықтады. Себебі кейінгі кезде қала сыртындағы жолдарда апат жиілеп кеткен. Сол үшін құзырлы орган қауіпті жол бөліктеріне арнайы жол белгісі мен қоршау орнатып, трассаның жүріс бөлігін тарылтады.
Бұл әдісті Батыс елдері жиі қолданады. Тар жолда жүргізуші автоматты түрде жылдамдықты азайтып, мұқият болады. Бұл трассадағы қауіпті азайтады деп мәлімдеді ҚР ІІМ.
ІІМ әлеуметтік желіде жариялаған видеодан жолдың тарылған бөлігінде полиция көлігі кезекшілікте тұрғанын көруге болады. Олар «жүргізушінің шаршамағанына әрі жалғасты жол жүре алатынына көз жеткізу үшін профилактиака ретінде қысқа сөйлеседі».
Полицейлер жаңа тәсілдің мақсаты жүргізушілерді бақылау емес, апаттың алдын алу екенін айтты. Министрлік жолдағы тәртіпті қамтамасыз ету үшін дрон мен жасырын патруль қызметін де кеңінен пайдаланбақ.
Сіз бұл экспериментке қалай қарайсыз?
Бұған дейін ел аумағындағы жеті трассада орташа жылдамдықты бақылау жүйесі іске қосылған болатын.
Комментариев: 0