BMW жаңа M350 xDrive туралы ақпарат берді

3-сериялы BMW-ның жаңа буынына әзірге тек электрлі i3 кіреді, бірақ «үштіктің» іштен жанатын қозғалтқышы бар нұсқалары да болады. Компания соның біреуі туралы ақпарат беріп, камуфляжбен қапталған прототиптің сынақ кезіндегі суреттерін жариялады.

1 / 10

• 
• 
• 
• 
• 
• 
• 
• 
• 
• 

1 / 10

M350 xDrive индексті модель сұйық отын тұтынатын модификациялар арасында флагман әрі 6 цилиндрлі агрегат алатын жалғыз «үштік» болады. Қалғандары 4 цилиндрлі мотормен жүреді.

Седанның капот астындағы 3 литрлік қозғалтқышы 443 ат күші мен 580 Нм момент береді. Ол қазіргі 392 ат күшіне ие M340i-дан қуаттырақ. Агрегат 48 вольттық стартер-генератормен және барлық дөңгелекті айналдыратын 8 сатылы автоматпен жұптаса жұмыс істейді. M350 толыққанды M модельдері сияқты арнайы дрифт режимінің арқасында тарту күшін артқы оське бере алады.

1 / 8

• 
• 
• 
• 
• 
• 
• 
• 

1 / 8

Платформасының алдыңғы аспасы қос иінтіректі, арты бес иінтіректі. Бейімделгіш амортизатор қосымша опция ретінде сатылады.

Марка жаңа өнімді камуфляжсыз қашан көрсететіні белгісіз. Бірақ 2026 жылдың аяғына дейін жарық көруі мүмкін.