BYD өте үнемді Qin L седанын таныстырды

BYD Бейжің автосалонында Qin L деп аталатын жаңа гибридті көрсетті. Ол топтамадағы ең үлкен седан болады, ол бұған дейін осы атақты иеленген Qin Plus-тен едәуір үлкен болып шықты. Қолда бар ақпаратқа сүйенсек, Qin L кем дегенде 120 мың юань (7.35 млн теңге) тұрады, модель Қытайда 2024 жылдың екінші тоқсанында саудаға шығады.

1 / 5

• 
• 
• 
• 
• 

1 / 5

BYD Qin L-дің сырт пішіні фирмалық стильде жасалған, бірақ өлшемі өзгеше, седан басқа Qin модельдерінен бірқатар дизайн нюансымен ерекшеленеді. Ол өзгеше жарық техникасы және Toyota Camry-дегі сияқты үлкен ауа тартқышы бар бамперімен мақтанады. Седанның өлшемі — 4830×1900×1495 мм, дөңгелек базасы — 2790 мм. Демек ол BYD Qin Plus-тен 200 мм үлкен, оның өлшемі Camry-мен шамалас.

1 / 5

• 
• 
• 
• 
• 

1 / 5

Жаңа өнімнің салоны осы топтаманың дәстүріне сай жасалған, ортада үлкен дисплей тұр, бірақ дизайнерлер сәл басқаша безендіріпті. Мысалы, алдыңғы панельде өзгеше жылтыр жапсырма көзге түседі, ал трансмиссия селекторы кристалл түрінде жасалған.

Qin L-дің күштік құрылымы 100 ат күшіне ие 1.5 литрлік дәстүрлі мотор мен 218 ат күшіне ие электрмотордан тұрады. Сыйымдылығы 15.9 және 10.08 кВт⋅сағ болатын екі батарея бар, олар сәйкесінше электр жетекпен 90 және 60 шақырым жол жүруге мүмкіндік береді. Техникалық сипаттамасы жайлы басқа ақпарат жоқ. Қытайлық БАҚ хабарлағандай, седан BYD көктемде таныстырған жаңа буындағы гибрид құрылғымен жабдықталады. Сондай-ақ ол 100 км-ге 3 литр отын тұтынады, соның арқасында жүріс қоры 2 мың шақырымға артты.