2018 жылдың жаз маусымы дизельді отын бағасының кезекті шарықтауымен аяқталды. Бағанадағы жазбалар литріне 191 теңгені көрсетуде. Сөз реті келгенде айта кетсек, дизельді отын бағасы барлық дерлік ірі жанармай құю бекеттерінде АИ-98-ден қымбат болып тұр.
Қазіргі сәтте дизельді отынды құюдың ең төмен бағасы «ҚазМұнайГаз» бекеттерінде. Онда отын құны литріне 187 теңгені құрайды. Sinooil бекеттерінде сәл қымбаттау — 189 теңге. Тізімде келесі тұрғаны литріне 190 теңге сұрайтын «Газпром». Ал баға бойынша көш бастап тұрған Royal Petrol мен Helios бекеттерінде — 191 теңге.
Тамыз айында бензин бағасы да өзгеріске ұшырады, бірақ тек бір ғана желіде. «ҚазМұнайГаз» АИ-92 құнын 2 теңгеге төмендетті. Онда литріне 154 теңге сұрайды. Ал басқалары баға мөлшерін 155-тен 157 теңгеге дейінгі бұрынғы қалпында сақтап тұр.
Комментариев: 0