Жергілікті реестрде Қостанайдағы Allur зауыты құрастыратын қызық модельдің көлік құралының типін мақұлдау құжаты пайда болды. Бұл — Geely Geometry C электромобилі.
Бес есікті батареялы хетчбэк бренд топтамасында 2019 жылдан бері бар. Өлшемдері — 4432×1833×1560 мм, дөңгелек базасы — 2700 мм. Бұл модельдің 200 ат күшін (310 Нм) беретін электрлі моторы алдыңғы осьте орналасқан және екі түрлі батареямен жабдықталады. Аккумуляторының сыйымдылығы — 53 немесе 70 кВт·сағ, жүріс қоры — 400 және 550 км.
Қытайда Geometry C 2022 жылы жаңарып, Geometry M6-ға айналды. Сырт келбеті өзгерді, интерьері үлкенірек экрандармен жабықталды, опциялар тізімі кеңейді, жүріс қоры ұлғайды және басқа да жерлері өзгерді. Шетел нарықтарында Geometry C атауы бар рестайлингке дейінгі және сыртқы дизайны жаңарған, бірақ интерьері ескі нұсқаларын кездестіруге болады.
Мысалы, компания Мысыр мен Израиль клиенттеріне жаңа дизайндағы көлік ұсынса, Өзбекстанда брендтің ресми сайтында ескі хетч тұр. Көрші елде оның бағасы — 455 миллион сум (шамамен 15.8 миллион теңге).
Автомобиль Қостанайдағы Allur зауытынан қандай күйде және қашан шығатыны әзірге белгісіз.
Комментариев: 0