WM Motors компаниясы Spartan деген атаумен электрлі UAZ Hunter шығаруды ойлаған, бірақ жоба халықаралық санкцияға байланысты аяқсыз қалды. Чех мамандары мұнымен тоқтамақ емес, олар донор болатын басқа бюджеттік жол талғамайтын көлік тапты. Үндістандық Force Gurkha моделіне негізделген Spartan 2.0 жобасын қолға алды.
Фирма бірнше электрлі УАЗ өндіріп, тіпті сатып үлгерген. Жаңа жобаны жасау барысында солардың пікірі мен ұсынысын ескереді.
Электрокарға айналған Gurkha 176 ат күшіне ие бір электромотормен жүреді, бірақ бұрынғы трансмиссиясы мен толық жетек жүйесін сақтап қалады. Нәтижесінде тарту күші 1075 Нм-ге жетеді. Ось аралық дифференциалды бұғаттағыш та өзгеріссіз қалады.
Электрлі Gurkha жүріс қоры 240 км болатын сыйымдылығы 57.4 кВт/сағ батареямен жабдықталған. 90 киловаттық қуаттау жүйесі жарты сағатта энергия қорын 20-дан 80 %-ға толтыра алады. Электромобиль салмағы 2350 келі, донордан бір тоннаға жуық ауыр, біраң ең жоғары жылдамдығы сағатына 175 км-ке жетеді.
Әзірлеушілер жол талғамайтын электрокарды Еуропа елдерінде сатуды жоспарлап отыр. MW Motors кей елге машинаны коммерциялық көлік ретінде ұсынады, Spartan 2.0-ні артқы орындықтарын алып тастап, фургонға айналдыруға болады, бұл кейбір шектеулерді айналып өтуге мүмкіндік береді. Машина бағасы әлі жарияланған жоқ.
Комментариев: 0