Сауда және интеграция министрлігінің техникалық реттеу және метрология комитеті Kolesa.kz редакциясына хабарлағандай, бүгінгі таңда елімізде автомобильді жабдықтаудың кең таралған түрлерінің бірі — газбаллон орнату. Ішкі істер министрлігінің мәліметі бойынша Қазақстанда қазір 400 мыңға жуық көлік газбен жүреді. Мұндай автомобильдердің қауіпсіздігі үлкен мәселе, себебі зақым келтірген жарылыс жағдайлары жиі кездеседі.
Бұл жағдайдың басты себебі — лицензиясы немесе басқа да рұқсаттары жоқ маманданбаған шеберлер машинаға газбаллон орнатады, ал аккредитациядан өткен зертханалар жабдықталып қойған көліктің қауіпсіздігін тексереді. Бірақ бұл қалай жүзеге асады және көлік тексеруден өте ме, белгісіз.
Бұл мәселені ретке келтіру үшін биыл 1 мамырдан бастап көлік құралын және оның негізгі элементтерін жабдықтау әдісін анықтау үшін маңызды өрістері міндетті түрде толтырылуы керек қауіпсіздікті тексеру хаттамасының бірыңғай түрі енгізіледі. Оны аккредитациядан өткен сынақ зертханалары береді.
1 мамырдан бастап жабдықталған көліктің қауіпсіздігін тексеру процесі фото және видеоға түседі. Бұл сараптама фактісін растауға және қажет болған жағдайда жасанды немесе немқұрайлы тексеру жүргізген жауапсыз зертханаларды анықтауға мүмкіндік береді.
Биыл 1 желтоқсаннан бастап қауіпсіздікті тексеру хаттамаларын рәсімдеу Бірыңғай тізілімге орналастыру арқылы электронды форматта жасалады.
«Автомотокөлік құралдары. Құрылымына өзгеріс енгізу. Жалпы ережелер мен техникалық талаптар» СТ
Комментариев: 0