Geely Radar RD6 пикабының Horizon атты жаңа нұсқасын таныстыра бастады. Оның негізгі айырмашылығы — күштік құрылымындағы екі электрлі мотор, ал қарапайым RD6 тек моножетекті. Horizon-ның сырт келбеті сәл өзгеріп, бірегей интерьері болады. Компания 22 наурызда тапсырыс қабылдап, екінші тоқсанда жеткізе бастайды.
Толық жетекті нұсқаны екі негізгі ерекшелігінен тануға болады. Бренд атауы капоттан фара арасындағы жалған панельге ауысып, айтарлықтай үлкейді, ал артында 4WD тақтайшасы пайда болды. Дөңгелек базасы өзгермеді — 3120 мм, бірақ Horizon 50 мм биік. Өлшемдері — 5260×1900×1880 мм. Жүк платформасы бұрынғыдай — 1525×1450×540 мм. Көлік 815 мм таяз суды кешіп өте алады.
Horizon салоны рестайлинг нұсқадағы Geely Oravango (Haoyue) кроссоверінен алынған, сондықтан интерьері басқаша көрінеді. Мысалы, алдыңғы панель мен ортаңғы тоннель өзгерді, ал дисплейлер ұлғайды. Көлікте диагоналі 14.6 дюйм мультимедиа экраны бар, ал RD6 тек 12.3 дюймдік тачскринмен жабдықталады.
Жаңа пикаптың қозғалтқышы 428 ат күшін және 594 Нм момент береді, алғашқы жүздікті 4 секундта еңсереді, максимал жылдамдығы сағатына — 190 км. Күштік құрылымында түрлі жол жағдайына қарай жеті жұмыс режимі болады. Жүріс қоры туралы ақпарат әлі жоқ, бірақ Horizon батареясы кемпинг құрылғысы немесе гаджеттер сияқты басқа тұтынушыларға 21 киловаттқа дейін қуат бере алатыны белгілі.
Автомобиль Қытайда 145 800-268 800 юань (9-16.75 млн теңге) тұрады. Толық жетекті нұсқасы айтарлықтай қымбат болады деген болжам бар.
Комментариев: 0