Honda Odyssey-дің эйрбэгі жолда ашылып кетуі мүмкін

Honda NHTSA-мен бірлесіп, АҚШ-та Odyssey минивэніне қатысты ірі сервистік кампания жариялауға дайындалып жатыр. Ол 2018–2022 жылдары шыққан 440 830 автомобильді қамтиды. Модельден қызық проблема табылған. Машина ой-шұңқыры көп жермен жүргенде немесе жасанды кедергіден (Speed bump) өткенде қауіпсіздік жастығы ашылып кетеді екен. Салдарынан елде 25 адам жарақат алып, 130 машина кепілдік бойынша жөнделді.

Odyssey эйрбэгіндегі ақау жайлы алғаш рет 2017 жылдың аяғында, 2018 жылғы модельдік топқа жататын машиналар саудаға шыға бастаған кезде белгілі болды. Компания тексерісті бірден бастағанымен, эйрбэг нақты қандай жағдайда ашылатынын 2021 жылы жазда ғана анықтай алды. Бірақ автоөндіруші ол кезде сервистік кампания жарияламады. Проблема аса күрделі емес сияқты көрінсе керек, бірақ енді жағдай өзгерген сыңайлы.

1 / 8

Эйрбэги Honda Odyssey могут сработать на кочках

Honda Odyssey (2018–2020)

1 / 8

Ақау эйрбэг электроникасының параметріндегі қатеге байланысты туындайды. Іске қосылу шегі тым төмен бапталған, сондықтан электрондық басқару блогы жолдағы кедергіні жол апаты кезіндегі соққымен шатастырып алуы ықтимал.

Honda сервиске шақырған 440 мың машинаның 0.1 %-ынан ғана осы ақау табылады деген болжам бар. Кампания биыл 25 мамырда басталады. Сол күннен бастап дилерлер көлік иелерін тексерістен өтуге шақырады.

Комментариев: 0