Hongqi премиум бренді жаңарған флагманның алғашқы суреттерін көрсетті. AutoHome хабарлағандай, жақсарған экстерьерден басқа, мотор гаммасы кеңейеді, жаңа агрегат қосылып, ескілері қуаттырақ болады.
Жаңарған H9-ды рестайлингке дейінгі нұсқадан ажырату оңай болмайды, бірақ өзгеріс өте көп. Мысалы, седан жебе тәрізді күндізгі жүріс шамы бар жаңа оптикамен, сәл кішірек радиатор торымен және басқаша бамперлермен жабдықталады. Артқы жағында диффузор мен газ шығару жүйесінің жалған қосарлы түтігі болады. Интерьер суреттері әзірге жоқ.
H9 ішкі нарықта 2 литрлік қатарлы және 3 литрлік V6 моторымен сатылады. Олар 252 немесе 283 ат күшін береді. Рестайлингтен кейін 224 ат күшін беретін 1.8 литрлік қозғалтқыш базалық болады, ал 6 цилиндрлі мотордың қуаты 337 ат күшіне артады. Топтамадағы орташа нұсқа 303 ат күші бар 2.5 литрлік V6-мен жүреді. Алдын ала мәлімет бойынша компания 2 литрлік төрттіктен бас тартпайды, бірақ оны қандай өзгеріс күтіп тұрғаны әлі белгісіз.
Қазақстанда артқы жетекті, 245 ат күшін беретін моторы бар Hongqi H9 сатылады. Сәнді седан 39 990 000 теңге тұрады, бірақ өндіруші төрт миллион теңге жеңілдік жасап отыр.
Метки: Hongqi, H9
Комментариев: 0