Hyundai жаңа электромобилінің жетістігі туралы хабарлады. Төрт есікті Ioniq 6 Оңтүстік Кореяда алдын ала тапсырыс беру бойынша рекорд жаңартты. Модельге бір күнде 37.5 мыңға жуық тапсырыс түскен. Бұған дейінгі рекорд Ioniq 5-ке тиесілі болатын, биыл ақпанда оның 23 760 данасы сатылды.
Қазірше машинаға Кореяда ғана тапсырыс қабылданады, бірақ жақында Ioniq 6 өзге елдерде де сатыла бастайды. Мысалы, жаңа өнім АҚШ жолдарына 2023 жылы шығады. Электромобильді алғысы келген клиенттер ұзақ кезек күтуі мүмкін. Қазір әлемде автокомпонент тапшы болып жатқанын ескерсек, Hyundai машинаны тұтынушыларға қанша уақытта бере алатыны белгісіз.
Айта кетейік, Оңтүстік Кореяда Ioniq 6-ның бағасы 52 млн воннан басталып (39 000 доллар), 61.4 млн вонға (45 000 доллар) дейін жетеді. Марка машинаны 225 ат күшіне ие артқы жетекті нұсқада немесе 320 ат күші бар толық жетекті нұсқада ұсынады. Көліктің жүріс қоры (батарея қуаты ең үлкені) 614 шақырымға жетеді.
Комментариев: 0