Көлік тіркеу ережелеріне енгізілген түзетулер биыл 23 сәуірден бастап күшіне енді. Бүгіннен бастап мамандандырылған халыққа қызмет көрсету орталығында автомобильді тіркеу кезінде «Қазақстан Республикасының нотариусы куәландырған көлік құралына меншік құқығын растайтын құжатты» көрсету қажет.
Яғни, куәландырылған сатып алу-сату келісімшарты керек. Нотариуссыз көлікті тек екі тараптың электронды цифрлы қолтаңбасы арқылы eGov.kz электронды үкімет порталы немесе банк қосымшалары (мысалы, Kaspi.kz) арқылы тіркеуге болады.
Kolesa.kz редакциясына ҚР ІІМ Әкімшілік полиция комитеті хабарлағандай, көлік иелеріне жаңа ережеге дайындалуға уақыт беріледі және бірнеше күн мамандандырылған халыққа қызмет көрсету орталықтарында көлікті қайта тіркеу рәсімінде ештеңе өзгермейді. Қызмет көрсету орталықтарында жазбаша мәмілені қабылдай береді. «Азаматтарға арналған үкімет» жұмысты игеріп алған соң автомобильді ЭЦҚ арқылы да мамандандырылған ХҚКО-да тіркей бастайды. Жазбаша сатып алу-сату келісімшарты нотариалды куәландырылған жағдайда ғана қабылданады.
Комментариев: 0