Lamborghini Huracan-ның ізбасарына арналған жаңа V8 жасады

Бренд топтамада ең арзан болатын жаңа суперкар шығарады. Көлік гибрид күштік құрылым алатыны белгілі, ал қазір компания оған негіз болатын 4 литрлік V8-ді көрсетті. Ол әйгілі 5.2 литрлік V10-ның орнын басады. Қозғалтқыш өте ерекше.

Көлемі мұндай V8 моторы Volkswagen концернінің көптеген моделінде кеңінен қолданылады. Алайда суперкар үшін агрегат айтарлықтай өзгерген. Жоспар бойынша ол «қарапайым» нұсқаларға қарағанда қуатты әрі әсерлі болуы керек. Стандарт блокқа негізделген мотор трекке арналған машинаға көбірек сәйкес келеді.

Турбокомпрессорлары бар V8 қозғалтқышы «жалпақ» иінді білікпен жабдықталған. Мұндай шешім мотордың қасиетін де, дыбысын да өзгертеді. Компания клапандар мен поршеньдерді айтарлықтай күшейтіп, титан бұлғақ орнатты. Қозғалтқыш құрғақ картері бар майлау жүйесін алды.

1 / 5

• 
• 
• 
• 
• 

1 / 5

Бренд турбомотор минутына 10 000 айналым жайсайтынын ресми мәлімдеді, бірақ максимал қуаты 800 ат күшін құрайды. Бұл тарту күшінің біраз жоғалуына әкелді. Максимал момент — 730 Нм, бірақ оның диапазоны кеңірек — минутына 4000-7000 айналым.

Күштік агрегаттың басқа да компоненттері белгілі. Қозғалтқыш 8 сатылы роботпен жұмыс істейді, ал мотор мен роботтың арасына электрлі күшейткіш орнатылған. Ол V8-ге қосымша 150 ат күшін және 300 Нм момент қосады. Алдын ала мәлімет бойынша агрегат тізіміне алдыңғы жетекке орнатылған тағы екі электрлі қозғалтқыш кіреді. Жалпы қуат мың ат күшінен асып кетуі мүмкін, бірақ Lamborghini кіші модельді флагмандық Revuelto-дан қуатты етпейді.

Жаңа суперкардың толық премьерасы тамызда өтеді. Ресми атауы әлі жоқ, бірақ бұған дейін Lamborghini Еуропаның патент ведомствосында Temerario сөзін тіркеген. Жаңа супергибрид осылай аталуы мүмкін.