Lexus топтамасында минивэннің пайда болу мүмкіндігін қарастыру жөніндегі өтінішпен компанияның Филиппиндегі бөлімшесінің басшысы Раймонд Родригес марканың штаб-пәтеріне жүгінді. Оның пікірінше, Toyota Alphard-тың анағұрлым салтанатты нұсқасы «Лексуске» Филиппинде вэндері жақсы сатылатын Mercedes-Benz клиенттерінің бір бөлігін тартып алуға сеп болады екен.
Сәнді де салтанатты «Альфард» өзге оптикаға, бамперлер мен алдындағы фирмалық «ұршыққа», сондай-ақ, жоғары сапалы әрлеу материалдары мен қымбат жабдықтарға ие болар еді.
Алайда, Родригестің қалауының орындала қоюы екіталай. Lexus минивэн шығаруды бірнеше рет сұраған болатын. 2014 жылы компанияға осы тектес ұсынысты жапондық дилерлер де айтқан болатын. Бірақ үлгі шығарылған жоқ. Оның орнына «Лексус» кроссоверлер топтамасының ауқымын кеңейтуге көп көңіл бөлуде.
Комментариев: 0