Литвада екі Tesla Cybertruck ұсталды

Литва билігі құны 50 мың еуродан асатын машинаны Ресейге импорттауға қарсы санкция қалай жұмыс істейтінін көрсетті. Литва мен Беларусь шекарасында Ресейге бет алды деген болжаммен екі Tesla Cybertruck ұсталды деп жазды Carscoops.

Тергеу басталып, жауапты орган өкілдері автотасығыш жүргізушілерінен жауап алды. Пикаптар әлі кеденде тұр.

Шенеуніктер Еуроодақтан Tesla пикаптарының шамамен 50 %-ы алдымен Беларусь, Қазақстан және Өзбекстан арқылы экспортталып, кейін Ресейге өтетінін айтты.

Tesla Cybertruck АҚШ-тан басқа еш жерде ресми сатылмаса да, электромобиль басқа елдерде, соның ішінде Ресейде жүр. Ол жақта пикаптың Foundation Series нұсқасының бір экземпляры Мәскеу жолдарына шыққан. Алматының өзінде мұндай сирек модель жақында пайда болды.