Ең алдымен машинаның бағасы назар аудартады. Себебі, әдетте жағдайына қарай 150 мыңнан 1 миллионға дейінгі аралықта сатылатын «412» үшін иесі 3.5 млн теңге сұрап отыр.
Көліктің кейбір жеріндегі бояуы кетіп, сәл шіріген демесеңіз, жағдайы жақсы сияқты.
Қақпақ астына 75 ат күші мен 108 Нм айналу моментін беретін 1.5 литрлік карбюраторлы мотор қойылған. Ол 4 сатылы механикамен жұптаса жұмыс істейді.
Одометріне көз жүгіртсек, 35 жастағы «Москвич-412» 3 670 шақырымды еңсергенін байқаймыз. Алайда бұл құрылғыда әр 100 000 км сайын нәтиже жойылып, санақ қайта басталатынын ескерсек, темір тұлпар бірнеше айналым жасаған сияқты. Көлік иесінің сөзіне сенсек, 1985 жылдан бері ол бір адамның иелігінде болған.
Анықтама ретінде: «Москвич-412» 1967 жылы жарық көрді. Оның соңғы үлгілері 2001 жылы конвейерден шықты, ал сериялық өндірісі 1997 жылы тоқтаған. Машина Ресейде ғана емес, Бельгия мен Болгариядағы зауыттарда да құрастырылды.
Комментариев: 0