Қазақстанда жаңа Subaru Outback қанша тұрады?

Сәуірдің ортасында Subaru Қазақстанда Outback-тің жетінші буынын таныстыратыны белгілі болды. Автомобиль универсалдан толыққанды кроссоверге айналды. Мамырдың басында брендтің ресми өкілдері жаңа өнімнің бағасын жариялады.

1 / 9

• 
• 
• 
• 
• 
• 
• 
• 
• 

1 / 9

Ұзындығы — 4.9 метр, дөңгелек базасы — 2.75 метр және клиренсі — 220 мм. Марка Outback-тің екі комплектациясын сатады: Premium және Touring. Екеуі де 187 ат күшін беретін 2.5 литрлік атмосфералы оппозит қозғалтқыш алған. Агрегат фирмалық Lineatronic вариаторымен және тұрақты толық жетек жүйесімен жұмыс істейді.

Premium 27.5 млн теңге тұрады. Ол EyeSight жүргізуші ассистенттерінің толық жинағы, сегіз қауіпсіздік жастығы, жолсызға арналған X-Mode көмекшісі, 12.3 дюймдік цифрлық аспаптар панелі, 12.1 дюймдік мультимедиа экраны, алты динамикті аудиожүйе, алдыңғы орындық пен рөл жылытқыш және екі аймақты климат-бақылаумен жабдықталған. Орындықтар полиуретан былғарымен қапталған.

1 / 7

• 
• 
• 
• 
• 
• 
• 

1 / 7

Touring модификациясында люк, электр көмегімен реттелетін жүргізуші мен алдыңғы жолаушы орындығы, алдыңғы орындықтарды желдеткіш, артқы орындықтарды жылытқыш, сымсыз қуаттағыш, Harman Kardon аудиожүйесі және айнала шолу камерасы бар. Интерьері наппа былғарысымен қапталған. Бағасы — 28.5 млн теңге.