Қытай көліктерін ең көп алатын елдер

Бас кеден басқармасының мәліметінше 2026 жылдың алғашқы жартысында Қытай 5.31 млн автомобиль экспорттады, бұл 2025 жылғы сәйкес кезеңдегі көрсеткіштен 53 % көп. Маусымда шетелге дайын машина шығару көрсеткіші алғаш рет 1 миллионнан асты.

Қытай экспансиясының басты бағыты «Бір белдеу — бір жол» бастамасына қатысатын елдер болып отыр. Бұл мемлекеттерге жалпы құны 83.67 млрд АҚШ долларға тең 3.381 млн машина аттанды деп жазды China Daily.

«Бір белдеу — бір жол» жобасына Қытаймен өзара түсіністік туралы меморандумға қол қойған 150-ге жуық мемлекет енген, оның ішінде Қазақстан да бар. Балама инфрақұрылымдық жобаларды дамытып жатқан АҚШ, Үндістан, Жапония, Аустралия және Батыс Еуропа елдерінің көбі бұл жобаға қатыспайды.

2026 жылдың алғашқы жартысында Қытай көліктерін ең көп алған он ел: Ресей (448 157), Бразилия (410 825), Ұлыбритания (255 260), Аустралия (237 823), Бельгия (219 730), Мексика (210 155), Италия (154 870), Филиппин (148 727), БАӘ (146 274) және Алжир (143 012).

Шетелге ең көп машина сатқан автоөндіруші — Chery Group. Компания қаңтар мен маусым арасында өндірген автомобильдерінің төрттен үшін (943 800) шетелге жөнелтті, бұл былтырғы сәйкес кезеңмен салыстырғанда 71.5% көп. Ал BYD 789 400 машина (769 300-і электромобиль) экспорттап, былтырғы нәтижесін екі есе жақсартты.