Алматыдағы Рысқұлов даңғылы мен Емцов көшесінің қиылысындағы жолайрықтың құрылысы аяқталуға жақын. Қала әкімдігінің хабарлауынша, Рысқұлов даңғылы арқылы өтетін көпірде жол жабынын төсеуге дайындық жүріп жатыр. Жыл соңына дейін онда көлік қозғалысы іске қосылады. Бұған дейін бөлек бүйірлік жол ашылған.
Эстакаданың ұзындығы — 186 метр. Әкімдіктің есебінше, жолайрық ашылғаннан кейін Рысқұлов даңғылымен тәулігіне 80 мың, Емцов бойымен 40 мың көлік қатынайды.
Шенділер Наурызбай ауданында Абай даңғылын Момышұлы көшесінен батысқа қарай 3.5 шақырым ұзарту жұмысы жалғасып жатқанын атап өтті. Жоба аясында Әшімов көшесінің үстінен 400 метрлік эстакада салынуда, онда құрылыс аяқталғанға дейін көліктер уақытша схема бойынша жүреді. Қала билігі даңғылдың Яссауи көшесіне дейінгі бөлігін жыл аяқталғанша ашуға уәде берді. Қалған бөлігін салу үшін жер сатып алынады.
Комментариев: 0