Сериялы Land Cruiser FJ патент алды

Электрлі мини-крузактың концептіден айырмашылығы жоқ.

27 ақпан 202426 ақпан 2024 | | 104

Авторы: Манас Иксанов

Toyota Қытайдың Мемлекеттік авторлық құқықты қорғау басқармасында Land Cruiser FJ дизайнын сәтті қорғады. Бренд ұсынған материалдардың арқасында көліктің атауы белгілі болды, сырт келбеті де жасырын қалмады. Үш жыл бұрын Toyota концептілерінің арасында Compact Cruiser-ді ұнатқандарға оның серияға шығуы жақсы жаңалық болады.

Запатентован серийный Land Cruiser FJ — Toyota Compact Cruiser

Көлемі Yaris Cross-пен шамалас Land Cruiser FJ-дің шанағы қырлы, бампері ірі, жүксалғышының есігі дөңестеу келген. Қытайдың MyDrivers басылымы модельдің суреттерін жариялап, соңғы мәліметтер бойынша автомобильдің алдыңғы және артқы осінде электромотор болады деп жазды. Дәстүрлі моторы бар нұсқасы шықпайды.

1 / 2

Еденінде ауыр батарея орналасқан шағын электромобиль форматындағы Land Cruiser FJ-ден рама және жол талғамайтын мүмкіндіктер күтпеген жөн. Ол үлкен «крузактың» бейнесін қайталайтын кроссовер ғана. Жаңа өнім 2024 жылдың екінші жартысында саудаға шығады.

Комментариев: 0