Шымбұлаққа электромобильмен ғана шығуға болады

«Алматы қаласының кей аумағына көлік құралының кіруіне шектеу қою туралы» қаулы бойынша Шымбұлаққа электромобильден бөлек, арнайы қызмет көліктері және тау-шаңғы базасында жұмыс істейтін немесе сонда тұратын азаматтардың машиналары кіре алады. Енді осы құжатқа өзгеріс енеді.

Демелыс орнына электромобиль, арнайы техника және «коммуналдық қызмет, жедел жәрдем, төтенше жағдай қызметі» көліктерін ғана кіргізу жоспарланып отыр. Қаулының жаңа жобасында осы аумақта жылжымайтын мүлікі бар және осында тұратын азаматтарға жеңілдік қарастырылмаған.

Ал Шымбұлақта жұмыс істейтін компанияларға (кафе, мейрамхана, т.б.) жеңілдік бар. 2023 жылы 1 шілдеге дейін онда жұмыс істейтін қызметкерлер электромобильге ауысуы керек немесе электротакси не аспалы жол қызметін пайдаланғаны жөн.

Шымбұлақтың экологиясын жақсарту мақсатында жаңа шектеулер енгізіліп жатыр.