Жүрмеген AMG SLS Black Series аукционда сатылмай қалды

Сирек кездесетін AMG SLS Black Series аукционда сатылмай қалды

Mercedes-Benz Америка нарығына осындай купенің 132 данасын шығарған.

Bring a Trailer онлайн-аукционында сауда қызық аяқталды. Небәрі 240 шақырым жүрген өте сирек кездесетін Mercedes-Benz SLS AMG Black Series-тің бағасы 975 мың долларға жеткен, бірақ сатушы көлікті сатудан бас тартты.

Black Series нұсқасындағы SLS AMG шыққанда ол Mercedes-Benz-тің жалпыға арналған ең экстремал суперкары болған. Әйгілі «шағала қанаты» тәрізді ашылатын есігі бар сырт келбеті қатал купе трекке арналған баптаулары бар аспамен ғана емес, айтарлықтай жақсарған қозғалтқышпен жабдықталған. 6.2 литрлік мотордың қуаты стандарт 571 ат күшінен 631 ат күшіне өсті, оны серияға шыққан әлемдегі ең қуатты атмосфералы мотор деп атайды. Ол 7 сатылы роботпен жұмыс істейді. Бұл инженерлік біртуар туынды аз тиражбен шықты. Кейбір дерек бойынша қара SLS AMG-дің 350 данасы ғана жасалып, 123-і АҚШ-қа кеткен.

AMG SLS Black Series без пробега отказались продавать почти за миллион долларов

Саудаға шыққан 2014 жылғы көліктің үш иесі болыпты, бірақ ешқайсысы суперкарды мақсатына сай пайдаланбаған. Бірінші иесі оны 285 800 долларға алған, бірақ соңғы он жылда эксклюзив әрі жүрмеген автомобильдің бағасы кәдімгідей өсті. Сондықтан суперкарға бірнеше жүз мың доллар жұмсау оғаш көрінбейді, бірақ бұл экземпляр үшін ұсынылған рекордтық баға — 975 мың доллар.

Соған қарамастан SLS AMG Black Series иесі сауда нәтижесі анағұрлым әсерлі болады деп үміттенсе керек, келісім онлайн-аукционның қатысуымен жүзеге аспады. Комментарийлерден сатушы мен сатып алушы аукционнан тыс келісімге келгенін көруге болады және суперкар 1.1-1.2 млн долларға өтетін сияқты.

Комментариев: 0

Чтобы оставить комментарий, вам необходимо зарегистрироваться или авторизоваться.