Жаңа BYD пикабы 5.7 секундта жүзге дейін жылдамдық алады

BYD концерні алғашқы пикапы — Shark-ты таныстырды. Ол рамалы құрылым, гибрид жетек және Ford F-150 стиліндегі сырт пішінімен ерекшеленеді. Тұсаукесер Мексикада өтті, өйткені модель Оңтүстік Америкаға арналған. Жергілікті зауытта шыққан өнім АҚШ нарығына шығуы мүмкін. Онда Shark Chevrolet Colorado және Ford Ranger-ге бәсекелес болады.

1 / 9

• 
• 
• 
• 
• 
• 
• 
• 
• 

1 / 9

BYD Shark-тың өлшемі — 5457×1971×1925 мм, ось арасындағы қашықтық — 3260 мм. Көлік 835 келі жүк көтере алады.

Машина 1.5 литрлік дәстүрлі мотормен және екі электромотормен жүреді. Алдыңғы осьтегі қозғалтқыш 231 ат күші мен 310 Нм, артқы осьтегісі 204 күш пен 340 Нм береді. Күштік құрылымның жалпы қуаты 430 күштен асады. Нәтижесінде Shark алғашқы жүздікті 5.7 секундта еңсереді, ең жоғары жылдамдығы — 160 км/сағ. 29.58 киловатт батареяның арқасында автомобиль электр жетекпен 100 шақырым жол жүре алады, орташа отын шығыны 7.5 литрден аспайды. Яғни, іштен жанатын қозғалтқышпен жүретін бәсекелестерінен 40 % үнемді болады. Shark-тың жүріс қоры — 840 шақырым.

1 / 6

• 
• 
• 
• 
• 
• 

1 / 6

Салонда 10.25 және 12.8 дюймді екі экран бар. Медиажүйеге гаджеттерді қосуға болады әрі караоке функциясы бар. Сондай-ақ сымсыз қуаттау, сапалы әрлеу материалы, цифрлы кілт және т.б. қосымша мүмкіндіктерді атауға болады.

BYD Shark Мексикада екі түрленімде саудаға шығады, бағасы — 899 980 немесе 969 800 песо. Доллармен есептегенде 53.2–57.4 мың (23.5–25.3 млн теңге) болады. Жаңа өнім АҚШ-тағы Ford Ranger-ден сәл қымбат, Chevrolet Colorado-дан сәл арзан болды. BYD пикапты Қытайда сата ма, жоқ па, белгісіз.