Марка Токио автосалонында таныстырған атауында STI Sport# қосымшасы бар Subaru WRX прототипі сериялық өндіріске шығатын болды, бірақ бірнеше нюанс бар.
Біріншіден, автомобиль тек Жапония нарығына арналған. Екіншіден, небәрі 600 экземпляры шығады. Үшіншіден, седанды сатып алу үшін алдымен лотереяға қатысу керек, жеңімпаздарға ғана WRX STI Sport♯ иесі атану мүмкіндігі бұйырады.
Автомобиль түрленген Subaru WRX-ке көбірек ұқсайды. 275 ат күшіне ие (350 Нм) 2.4 литрлік оппозитті турбомотормен жүреді. Қозғалтқыш 6 сатылы механика қорап және тұрақты толық жетекті жүйемен жұмыс істейді. Ал әдеттегі WRX бұл елде вариатормен ғана сатылады.
WRX STI Sport♯ сырттай алдыңғы және артқы бамперінде жапсырма бар бастырықпен, жүксалғыш қақпағындағы шағын спойлермен ерекшеленеді. Седан 245/35 өлшемді Bridgestone Potenza S007 шинасымен қапталған 19 дюймдік фирмалық дискімен жабдықталған. Тежеу жүйесіне алдыңғы осьте 6 поршеньді Brembo тежеуіші, ал артында 2 поршеньді суппорт жауап береді. Жабдықтар тізіміне STI тірегі, арнайы бапталған ZF бейімді тіреуі, салондағы Recaro орындығы және т.б. кірген.
Subaru WRX STI Sport# моделі 6 105 000 иен (18.25 млн теңге) тұрады. Әдеттегі WRX S4-тің бағасы 5 027 000 иеннен (15 млн теңге) басталады.
Комментариев: 0