Volkswagen Passat
1989 года, КПП Механика, 1.8 л.
Срок владения: Более 2 лет
Нур: Passat B3 Халықтың ханы, темірдің ТӨРЕСІ
Passat B3 — бұл жай көлік емес. Бұл тұтас дәуір, бұл халыққа арналған неміс шедеврі. Ешқандай пафоссыз, бірақ мінезі бар, сырты қарапайым, іші мықты. Бүгінгі күні 30 жылдан асып кеткеніне қарамастан, әлі де жолда жүреді. Тіпті 7 жылдан аса уақыт бір қожайында болып, тек май ішіп тұрса да, Passat B3 беріктіктің символы. Қай көлікпен салыстырсаң да, оның орны бөлек.
Ескі болса да, жаны жас. Қозғалтқышы қарапайым, механикасы оңай, тюнингке де икемді. Қаласаң, отқа да сал, суға да түсір — B3 қайда да шыдайды. Темірі қалың, жүрісі жатық, қыста оталып, жазда салқын. Бұл көлікті бір мінген адам оңай айырылмайды, өйткені онда бір ерекше жылулық бар. Қарапайым халықтың арасында сүйікті болуының басты себебі оның сенімділігі. Базарда бөлшегі арзан, жөндеу оңай, істесең болды, жүріп кетеді. Қарапайым моторы бар, артық электроника жоқ, бұл деген сөз өз қолыңмен бәрін жөндей аласың дегені.
Жолға шыққанда өзін нағыз темір тұлпардай сезіндіреді. Макташ дөңгелек кигізсең, түрі де, жүрісі де басқаша болып кетеді. Арқасына R17 дискілер, стильді резина отырғызсаң қалада жалғыз сенікін бәрі таниды.B3-ке үлкен дөңгелек кигізсе, биік, сымбатты, өзіне сенімді боп тұрады. Мұндай көлікте отырып, көшеде өткенде басқалар терезеден қарап өтеді. Ол тек көлік емес, стиль, мінез, тіпті — өмір салты.
Май ішсе де, жүріп тұр ма? Болды! Сенімділік деген осы. Бір моторды жөндеп алсаң тағы он жыл жүреді. Көбі жаңасын сатып аламыз деп жүр, ал сен болсаң, өзіңнің B3-іңмен көшеде мақтанып жүресің. Қанша Passat шықса да, B3-тің орны ерекше. Ол классика. Ол 90-жылдардың символы. Ол әкенің көлігі, ағалардың арманы, жастардың стилі.
Егер кімде-кім: Қандай көлік мықты? Десе, сен жай ғана күл де, "Passat B3" деп қой.
Өйткені ол май жейтін шығар, бірақ ешқашан иесін жерге қаратпайды.
Ол ел ішінде жүрген батыр.
Ол тек көлік емес, ол аңыз.
Плюсы
- Безопасность
- Надежность
