Kolesa.kz редакциясына қалалық мобильділік басқармасының мамандары тиісті құжат 2022 жыл аяқталғанша дайын болатынын айтты. Жобаға қатысты нақты ақпарат жоқ, дегенмен көпірдің екі шетіне бір-бір жолақтан қосылуы мүмкін. Қала билігі Абай даңғылындағы көпірді солай кеңейткен.
Жоба жасаушыларға берілген тапсырмада жол бойындағы жасыл желекке барынша зиян келтірмеу, сонымен қатар көлік қозғалысын қазіргі схемаға ұқсас қылып ұйымдастыру қажеттігі жазылған. Басқаша айтқанда, құрылыс орнын айналып өтетін жол салынуы керек.
Бірақ оны айналып өтетіндей орын жоқтың қасы. Бұл мәселені шешудің бірнеше нұсқасы бар: BRT іске қосылғалы бері тарылып қалған Тимирязев арқылы, қарбалас сәтте қозғалыс қиындайтын Бұқар жырау не Сәтбаев арқылы, тіпті болмаса Абай даңғылы арқылы айналып өтуге болады. Сондықтан алдағы 6 айда Алматының жоғарғы бөлігі кептелістен көз ашпайтын сияқты.
Комментариев: 0