АҚШ-та маслкар жыл автомобилі атанды

Брюссель автосалонында Еуропадағы «Жыл автомобилі» конкурсының нәтижесі жарияланған. Енді АҚШ-та North American Car, Truck and Utility Vehicle of the Year (NACTOY) байқауының жеңімпаздары белгілі болды.

АҚШ пен Канаданың 50 автожурналисінен құралған кәсіби қазылар алқасы биыл жыл көлігі атағын Dodge Charger маслкарына берді. Бірақ оның электрі нұсқасы емес, 3 литрлік алты цилиндрлі бензинді мотормен (420 не 550 а.к.) жүретін түрі топ жарды..

1 / 6

1 / 6

Төрешілер пикап және қолайлы көлік санатындағы үздіктерді де анықтады. Соңғы категория бойынша бір-біріне мүлде ұқсамайтын модельдер бақ сынады. Биыл финалға Hyundai Palisade, электрлі Lucid Gravity және Nissan Leaf шықты. Нәтижесінде Palisade жеңіске жетті. Ол Қазақстанда да бар. Біздің елде 249 ат күшіне ие 2.5 литрлік турбомотормен жүретін кроссовер ғана қолжетімді, ал АҚШ тұрғындары атмосфералы V6-мен (291 а.к.) немесе гибрид күштік құрылыммен (334 а.к.) қозғалатын түрлерін мініп жүр. Америкада бағасы 20.4 млн теңгеден (40 мың доллар) басталса, Қазақстандағы кем дегенде 33.9 млн теңге тұрады.

1 / 5

Қазақстандағы автосалондарда сатылып жатқан Hyundai Palisade жайлы толық ақпаратты Kolesa.kz-тегі «Жаңа автомобильдер» бөлімінен көруге болады. Сайтта машинаның техникалық сипаттамасы, комплектациясы және бағасы толық жазылған.

Пикаптар санатында қазылардың көбі Ford Maverick-тің атауында Lobo қосымшасы бар жаңа нұсқасына дауыс берді. Мұндай машина 250 ат күшін беретін 2.0 литрлік турбомотор, төмен аспа және мықты тежеуішпен жабдықталған. Конкурста ол RAM 1500 Hemi мен RAM 2500-ді басып озды.

1 / 5

Комментариев: 0