Атырауда рейд жүргізген полиция қиындыққа тап болды

Тәртіп сақшылары Алматы көшелерін аралап болған соң Атырауға жол тартқан.

Қалада жаппай тексеріс басталғаны мұндағы армян, грузин, орыс нөмірімен жүргендерге ұнамады. Бейресми дерекке сүйенсек, шаһарда 5 мыңнан астам осындай автомобиль бар екен.

View this post on Instagram

A post shared by АТЫРАУ | ҚАЗАҚСТАН | 06 🌷 (@atyrauoil.official)

Аzh.kz хабарлағандай, «Салтанат сарайының» тұрағына 200-ден аса адам жиналды. Жүргізушілер рейд кезінде полиция сақтандыру бар-жоғын және техниканың елде заңды жүргенін анықтайды деп алаңдаған.

— Қаншама жыл бойы тыныш жүрміз. Енді тездетіп сақтандыру полисін жасаңдар дейді, бірақ мұның өзі жазадан құтқармайды-мыс. Атырау сондай үлкен қала емес. Бізде ережені өрескел бұзатындар жоқтың қасы. Тәртіпті күшейтудің қажеті не? Әлде жергілікті полицияның шамасы жетпей жатыр ма? — деді тұрғындар. Арасында шетелдік көлігін заңдастыруды сұрағандар да бар.

Жиналғандар полиция, әкімдік, прокуратура және Ұлттық қауіпсіздік комитетінен адамдар келгенін айтты. Алайда шенділер еш сұраққа нақты жауап бермепті.

View this post on Instagram

A post shared by Atyrau vibe (@atyrauvibe)

Жиналыстан кейін рейд аяқталғаны белгілі болды.

View this post on Instagram

A post shared by Ақ Жайық | Новости (@azh.news)

2023 жылғы қаңтарда билік ел азаматтары мен резиденттердің шетелдік автомобильді сақтандыруына тыйым салды. Ал полиссіз жүрген адам 10 АЕК айыппұл төлейді. Дәл сол жылы бөтен нөмір таққан техниканы заңдастыру шарасы өтті. Құзырлы орган оның мерзімін ұзартудан және қайта өткізуден бас тартты. Заң бойынша шетелден келген көлікті он күнге есепке қою қажет. Әйтпесе, полиция 10 АЕК айыппұл салады, азамат қайта көзге түссе 20 АЕК санап береді не бір жылға жүргізуші куәлігінен айырылады.