Кейінгі жылдары премиум санаттағы Maserati-дің жағдайы мәз емес. 2023 жылы компания дилерлері әлемде 27 мыңға жуық машина сатса, былтыр небәрі 11.1 мың автомобиль саудалады. Тіпті Stellantis оған жаңа қожайын іздеп жатыр деген ақпарат тараған. Бірақ жақында өткен инвесторларға арналған конференцияда Stellantis марканы нағыз люкс брендке айналдыруды жоспарлап отырмыз деп мәлімдеді, компанияға қомақты қаржы бөліп, екі жаңа модель шығарады.
Альянс Maserati-ге қатысты өзгерістердің мән-жайын биыл желтоқсанда жариялайды. Бірақ бұған дейін қытайлық Yunjian Insight басылымы оның болашағына қатысты мәлімет таратқан.
Stellantis басшылары Huawei және Anhui Jianghuai Automobile Group-пен (JAC) бірлесіп, Maserati-ге арнап NEV модельдер әзірлейді. Автомобильдер Еуропада италиялық бренд өнімі ретінде, Қытайда Maextro атынан сатылады. Басылым дереккөзі серіктестік талқылау кезеңінен өтіп, көлік құрастыру сатысына жеткенін хабарлады.
Комментариев: 0