Nissan-ның қарт құрлықтағы 6 мың адамды жұмыспен қамтып отырған негізгі зауытының халі мүшкіл. Қиын кезеңде 30 % жүктемемен қызмет еткен, қазір
Leaf электромобилінің өндірісі басталғалы кәсіпорынға жан біткендей, келер жылы қатарға батареялы Juke қосылады. Соның өзінде жылына 600 мың техника шығаруға қауқарлы ғимараттың бүкіл жолағын қамту мүмкін болмай тұр.
Financial Times басылымы жапон бренді бос орынға Chery модельдерін қоюды жоспарлап отыр деп жазды. Қытайлардың мұндай ұсынысқа қуанатыны анық, себебі бұл Еуропаға кіруді қиындататын көп кедергіні айналып өтіп, жергілікті дилерлерге өнім жеткізу уақытын қысқартудың ең қарапайым әрі ұтымды жолы, оның үстіне, жеке кәсіпорын салудың да қажеті болмайды.
Маркалардың ешбірі бұл ақпаратты растамады, сол үшін қытайлар Ұлыбританияда қай моделін жасайтынын білмейміз. Бірақ Chery-дің осы өңірдегі сауда стратегиясын ескерсек, Omoda 5 пен оның E5 деп аталатын электрлі нұсқасы және ағылшындарға ұнаған Jaecoo 7 кроссовері конвейерге тұруы ықтимал.
Комментариев: 0