Бұл туралы bfm.ru басылымы хабарлады. Renault концернінің бас директоры Лука де Мео Financial Times басылымына берген сұхбатында Украинадағы жағдайға байланысты Ресейдегі Renault зауыттарына шетелден қажетті компонент келмей қалуы мүмкін екенін айтты. Француздар қазір Ресейдегі зауыттарға автобөлшекті тағы қайдан алуға болатынын қарастырып жатыр.
АВТОВАЗ-дың 68 %-ы Renault-ға тиесілі, «Рено Россия» зауыты Мәскеуде орналасқан. Онда автомобильден бөлек автобөлшек те шығарылады, бірақ көп бөлігі, әсіресе электроника жағы шетелден әкелінеді.
«За рулём» журналының бас редакторы Максим Кадаковтың санкция салу одан әрі өршісе, оның салдары өте ауыр болатынын айтты. «Себебі үшінші бір елде жасалған қандай да бір компонент, блок немесе өнімнің өндіріс тізбегінде америкалық технология немесе америкалық лицензия болса, АҚШ Ресей нарығына автобөлшек шығаратын компанияның осы технологияларды пайдалануына тыйым салады. Бұл тұрғыда біз өте ырықсыз орындамыз, бұл тек АВТОВАЗ-ға ғана қатысты емес», — деп келтіреді оның сөзін BFM.
Егер автобөлшек жетпесе, өндіріс жоспарын қайта қарауға және жаңа машина тапшылығына себеп болады. Ал бұл көлік бағасының шарықтауына әсер етеді.
Комментариев: 0