Электрокар батареясын Еуропада өндіру туралы ұсыныс жасалды

Жасыл экономика жақтаушылары қоғам қолдауын пайдаланып, ЕО билігін электромобильді дамытуға бағыт алған компаниялардың шығыны өтелуін қамтамасыз етуге шақыруда. Мемлекеттік емес Transport & Environment (T&E) ұйымының баяндамасында: «ЕО іштен жану қозғалтқышынан біртіндеп бас тартуға қатысты кез келген белгісіздікті тоқтатып, гигафабрика инвесторларында өнімдеріне арналған нарық болатынына кепілдік беру үшін электромобиль саласында корпоративтік мақсаттар қоюы керек» делінген.

Атмосфераға көміртек шығаратын, энергияны көп қажет ететін литий-ионды батарея шығару саласы электромобильді экологиялық таза көлік ретінде жарнамалауға жұмсалған күшті жоққа шығарады. Қазір аккумулятор өндірісінің Қытайда шоғырлануы ЕО өнеркәсібін батареяны да, оның құрамындағы сирек жер металдарды да шетелден алуға тәуелді етеді.

Осы пікірді негізге ала отырып, T&E аккумулятор өндірісін Еуропаға көшіруді ұсынып отыр, бұл батарея өндірісімен байланысты CO₂ шығарындысын 37 % және жаңаратын энергия көзін пайдалану арқылы 62 % азайтады. Бірақ бұл мемлекет қолдауын қажет етеді.