16 мамырда түнде Фуцзянь провинциясының Миньхоу қаласында BYD автосалоны өртенді. Өрт сөндірушілер дер кезінде жеткенімен, жалынның күшті болғаны сонша, көрме ішіндегі жеті машинаның қаңқасы ғана қалған, сыртында бірнеше көлік жанып кетіпті.
Зардап шеккендер жоқ, алдын ала мәлімет бойынша материалдық шығын шамамен 5 миллион юаньды (шамамен 307 млн теңге) құрайды.
Алғашқы хабарлар шоурумда тұтанған электромобиль туралы болғанымен, BYD өкілдері өрт жоғарыдағы кеңседен немесе екінші қабаттың шатырынан шыққанын айтты деп жазды Carscoops. Компания оқиғаның себебін анықтауда барлық құзырлы органмен бірге белсенді қызмет етуге дайын.
NTDTV арнасы бұл брендтің электромобильдері тиелген автотасығыш өртенген бірнеше оқиғаны есептемегенде 2021 жылдың қазанынан бері BYD дилер орталықтарындағы оныншы жағдай екенін еске салды. Соңғысы биыл сәуір мен мамырда болған.
Комментариев: 0