Haval жаңа H9-ды дилерге жеткізіп жатыр

Haval Қытайда дилерлік орталықтарға жаңа буындағы H9-ды жеткізе бастады. Модельдің тұсаукесері Бейжің автосалонында өтеді, жергілікті БАҚ машина бағасы тұсаукесер күні белгілі болатынын хабарлады, саудасы да сол күні басталады. Қазірге дейін біршама техникалық сипаттамасы жарияланды.

Екінші буындағы Haval H9 бұрынғы модельден үлкен әрі сырт пішіні өзгеше болады. Жол талғамайтын көлік Haval Raptor стилінде жасалған, ол қырлы шанағы және дөңгелек бас оптикасы бар үлкен радиатор торымен есте қалған. Төбедегі рейлинг 75 келі жүк көтере алады.

Машинаның өлшемі — 5070×1960×1930 мм, дөңгелек базасы — 2850 мм. H9-дың екі немесе үш қатар креслосы бар нұсқасы шығады, бірақ интерьер суреті әлі жарияланған жоқ. Жаңа өнімде 17-19 дюймдік дөңгелек дискісі және рамалы құрылым болады.

Haval H9-дың мотор гаммасы екі қозғалтқыштан тұрады. 224 ат күшіне ие (385 Нм) 2 литрлік бензинді мотор 8 сатылы автоматпен жұптасады. Ал 186 ат күші мен 480 Нм беретін 2.4 литрлік жаңа дизельді мотор 9 сатылы беріліс қорабымен жұмыс істейді. Екеуінде де толық жетек жүйесі болады.

1 / 10

• 
• 
• 
• 
• 
• 
• 
• 
• 
• 

1 / 10

Биыл жыл аяғына қарай жаңа Haval H9 Ресей нарығына шығады. Сол уақытта жол талғамайтын көлік Қазақстандағы бренд топтамасына қосылып, Tank 500-ге арзандау балама болады.