«Калашников» электрлі Иж-49 шығарады

Ресейде кезінде танымал болған «Иж» мотоцикл брендін жандандыру әрекеттері жалғасуда. Бұл бағыттағы алғашқы қадам 2017 жылы полиция мен Төтенше жағдайлар министрлігінің қажеттіліктеріне арнайы жасалған «Пульсар» моделінің прототипін шығарумен жасалды. Бренд екінші концепттің нұсқасын көрсетті. Бұл 1950-1958 жылдары шыққан Иж-49-дың жаңа нұсқасы.

Электрлі мотоциклдің салмағы 130 келі, ұзындығы екі метрден сәл асады. Байктың алдыңғы және артқы аспасының жүрісі 120 және 100 мм, ол номиналды қуаты 10 кВт немесе 13.6 ат күшін беретін, ал максималды қуаты 20 кВт немесе 27.2 ат күші бар электрлі мотормен жүреді. 49-дың максимал жылдамдығы 95 км/сағ жетеді, ал қуаттамай ол 100 шақырымға дейін жүре алады.

Мотоциклдің құны мен тиражы әлі жарияланбады. Әзірге толық өндіріс туралы айтылмағаны белгілі. Шектеулі партиясы ғана шығады.

«Иж» мотоциклдері 1946 жылы Ижевск машина зауытында шыға бастады. Брендтің алғашқы моделі немістің DKW NZ-350 көшірмесі болған Иж-350 болды. Компания 2000-шы жылдардың басына дейін мотоциклдер шығарған, бірақ сұраныстың болмауы және үлкен қарыздар 2008 жылы жұмыстың толығымен тоқтап қалуына әкелді.