Қазақстанның оңтүстігіндегі бетон жол асфальтпен жөнделіп жатыр

Биыл қыста Самара — Шымкент тас жолының 2178-2186 шақырымында Төрткөл мен Спатаев арасындағы бетон жолда шұңқырлар пайда болды. Көлік министрлігінің Автомобиль жолдары комитеті Kolesa.kz редакциясына жолдар микросюрфейсинг технологиясымен, яғни түйірлері 0-8 мм болатын шағал мен құмды, битум эмульсияны, эмульгатор және цемент ерітіндісін қолдану арқылы жөнделіп жатқанын хабарлады.

«Ұсақ түйіршікті асфальтобетонды төсеу жұмыстары тек терең жарықтар мен шұңқырлар бар жерде ғана жүргізілді. Осы ақауларды жойғаннан кейін, ҚазжолҒЗИ ұсынысымен микросюрфейсинг технологиясы бойынша қалыңдығы 2.5 см болатын тозуға қарсы қорғаныш қабаты төселеді», — деп түсіндірді жолшылар. Комитет шұңқырларды неліктен асфальтпен жапқанын түсіндірмеді.

Қазір бетонды жолдарда полимерлі жабын қолданылмайды, себебі қажет нәтиже бермейді. Қазақстанда 2020 жылы бетон жолды полимерлермен қорғайтын микросюрфейсинг қолданыла бастады. Мамандар технологияны Алматыдан алыс емес Қапшағай тас жолында тексеріп, одан кейін Астана — Бурабай автобаны мен Батыс Еуропа — Батыс Қытай жолының бірнеше учаскесіне қорғаныш қабатын төседі. Осыдан кейін жолшылар елдегі барлық бетон жолға асфальт төсеуге уәде берді. Бірақ 2022 жылдың шілдесінде Түркістан облысындағы полимерленген жолдарда бетон плиталары қайта көтерілді. Нәтижесінде жол жөндеушілер микросюрфейсинг қолдануды тоқтату туралы шешім қабылдады.

Полимерлер бетон жолдарды ыстықтан сақтай алмайтыны, еліміздің солтүстігінде қиындықтар туғызатыны белгілі болған кезде бетон жолдарға асфальт төсеу мүлдем тоқтады, себебі Бурабайға барар жолда, Алматы — Қонаев тас жолында жабын үгітіліп жатыр.