Ресей мемлекеттік думасы ұсталған автобөлшекті қалпына келтіріп, қайта пайдалану өндірісін құруды ұсынды деп хабарлайды «За рулём». Депутаттар үкіметке ұсыныс хат жазып, ауыр санкция шырмауында қалған елге мұндай өндіріс аса қажет екенін жеткізді.
Бұл процесс былтыр басталып кеткен. Ресми автосервистердің өзі көптен бері көне бөлшек пайдаланып жатыр. Өйткені былтыр көктемнен бастап Ресейге түпнұсқа жаңа компонент келмейтін болған. Бірақ посткеңестік елдерде ұсталған және қайта өңделген автобөлшек нарығы бұрыннан бар екенін ескерсек, бұл жағдайға тұрғындар таңғалмаған шығар.
Ұсыныс авторлары кейбір шетелде ескі бөлшекті қайта өңдеп, пайдалану процесі жақсы дамығанын, тіпті мемлекет тарапынан қолдау тауып отырғанын айтады.
Комментариев: 0