Тойымсыз «Атом»

Өндіруші «Атомға» алдын ала тапсырыс қабылдай бастады: 150 мың рубль депозит төлеген клиент жыл аяғына дейін көлігін алады. Мемлекеттік автонесие бағдарламасы шеңберіндегі жеңілдік бойынша автомобильді 2.975 млн рубльге (жеңілдіксіз 3.9 млн рубль) немесе 18.2–23.8 млн теңгеге алуға болады. Клиент қажет опцияны онлайн-конфигуратор арқылы таңдайды.

1 / 10

• 
• 
• 
• 
• 
• 
• 
• 
• 
• 

1 / 10

Есігі екі жаққа ашылатын төрт метрлік электрохетчтің бес түрлі шанақ түсі бар: ақ, сұр-көгілдір, көк-жасыл, қою күлгін және қара. Салоны күңгірт не ашық реңкпен әрленуі мүмкін.

«Атом» артқы осьте орналасқан 204 ат күшіне ие жалғыз мотормен жүреді. Машина алғашқы жүздікті 8 секундта еңсереді, ең жоғары жылдамдығы — 170 км/сағ. Жүріс қоры — 500 км. 100 шақырым жүруге жететін энергияны небәрі 8 минутта жинай алады.

1 / 8

• 
• 
• 
• 
• 
• 
• 
• 

1 / 8

Мультимедиа экраны тікелей рөлге орнатылған, ал негізгі ақпараттар проекциялық дисплейден көрінеді. Машинада бейімді круиз-бақылау мен дыбыстық көмекші бар. Жолаушылардың қауіпсіздігін берік болаттан жасалған шанақ қаңқасы, 6 эйрбэг және 17 қауіпсіздік жүйесі қорғайды.

«Автопоток» телеграм-арнасы хабарлағандай, автомобильдің электрондық көмекшілер жүйесі машина сатылған соң бір жыл ғана жұмыс істейді. Осы мерзім өткеннен кейін олардың функционалы шектеледі не толық өшеді. Оны қайта қосу үшін қосымша ақы төлеу қажет.