Volkswagen тағы дизель дауына тап болды

Дизельді автомобильдің шығарынды деңгейі туралы деректі жылдар бойы бұрмалаған Volkswagen AG-дің басы даудан арылар емес. Автоөндіруші бұл жолы Францияға сотқа барады.

AFP мәліметінше концерн адам мен жануарға зиян келтіретін қауіпті өнімдер туралы шындықты әдейі жасырып, жалған ақпарат берген. Құзырлы орган істі 2027 жылдан кейін қарайды. Volkswagen компаниясымен бірге Renault және Stellantis те сотта жауап береді. Екі компания сынақ деректерін бұрмалады деген айыпты мойындамай отыр. Қазір іске қатысты басқа мәлімет жоқ.

Дизель дауымен байланысты сот 2015 жылдан бері жалғасып келеді. Сол жылы Volkswagen жалған ақпарат берген. Кейін басқа автокомпаниялар осылай айласын асырмақшы болыпты. Шағымданып жатқандар әлі бар. Мәселен, 2025 жылдың аяғында Mercedes-Benz пен АҚШ билігі келісімге келді, компания 149.6 млн доллар өтемақы төлейді. Автоконцерн шығарынды деңгейін төмендету үшін сервиске жүгінген әр клиентке 2000 доллар береді.