Ұзын BMW iX3 Қытайда саудаға шықты

Neue Klasse топтамасының алғашқы өнімі атанған BMW iX3-тің тұсаукесері былтыр қыркүйекте өткен, Қытайға арналған ұзын модификация биыл көктемде Бейжіңдегі автосалонда жарық көрді. Енді марка 21 тамызда есігін ашқан Чэнду автосалонында кроссоверге алдын ала тапсырыс қабылдай бастады.

1 / 10

• 
• 
• 
• 
• 
• 
• 
• 
• 
• 

1 / 10

Қытайлық BMW iX3-тің ұзындығы — 4885 мм, дөңгелек базасы — 3005 мм. Артқы жолаушыларға жайлы болсын деп солай жасалған. Қытайдағы iX3-ті L әрпі бар тақтайшасы мен шатырындағы артқы көрініс камерасынан танисыз

Машинаның техникалық сипаттамасы да басқаша. Кроссовер Momenta стартапының ассистентерін алды. Мультимедиа кешенінде DeepSeek нейрожелісіне негізделген дауысты көмекші бар және Huawei-дің HarmonyOS экожүйесімен үйлеседі.

1 / 9

• 
• 
• 
• 
• 
• 
• 
• 
• 

1 / 9

Еуропада әзірге артқы жетекті iX3 40 және толық жетекті iX3 50 xDrive саудаланады, бірақ компания Қытайға үш модификация ұсынады. Базалық нұсқасы — 265 ат күшіне ие бір моторлы iX3 30L. Қуаты 374 және 469 ат күшіне тең екі моторлы iX3 40L және 50L түрленімдері бар. Жүріс қоры CLTC циклі бойынша 630-919 шақырымға жетеді.

Алдын ала тапсырыс кезеңінде баға 269 900-339 900 юань (18.3-23.1 млн теңге) аралығында. Ал біздің елге BMW iX3-тің тек 50 xDrive модификациясын ұсынады. Құны — 49.3 млн теңге.